25Tue092018

Back Noticias Noticias de Lekeitio Noticias 2018 Paula Ugarteburuk Mungiako Duatloia irabazi du kadete mailan

Paula Ugarteburuk Mungiako Duatloia irabazi du kadete mailan

  • PDF

Euskal zirkuituko bigarren triatloi proba lehiatu zen zapatuan [otsailak 24] Mungian, eta oraingoan ere aurrean ibili dira Lea-Artibaiko triatletak. Kadete mailako podiumaren gorenera igo zen esate baterako, Garraitz Kirol Taldeko Paula Ugarteburu Etxebarria. 1.34.35 denbora bikaina egin zuen triatleta gazteak.

      Paula Ugarteburu eta Aritz Iriondo Garraitz Kirol Taldeko kirolariak     

   Argazkia: Garraitz Kirol Taldea   

Podiumetik hurre gelditu zen bai eta Alba Mendazona Arandia ere. 01.14.09 denbora eginez bosgarren postua lortu zuen sailkapen nagusian. Juanjo Ortiz de Mendibil ere aurrean ibili zen beteranoen artean. Bosgarren postua eskuratu zuen 1.13.10 denboragaz.

Irabazleak. 176 kirolarik parte hartu zuten guztira Mungiako X. Esprint Duatloian, proban, euretatik 26 emakumeak. Mungiako kaleetan zehar egin zen lehen lasterketan argi ikusi zen non egongo zen podiumerako borroka. Irene Loizate eta Helene Alberdi emakumeetan eta Ander Garcia, Urko Herran eta Joanes Goitisolo gizinezkoetan jarri ziren aurrean.

Lasterketan hartutako abantaila handitu zuten bizikletan eta erabakia 2,5 kilometroko azken zatian hartu zen. Lehia bizia egon zen podiuma osatzeko. Azkenean, Saltoki Trikideak taldeko Irene Loizate Sarrionaindia eta Ascentium ArabaTri taldeko Ander Garcia Rendo izan ziren irabazleak.