GR 38-1 Arraineko eta ardotako bidea
KoldoGR 38-1 Arraineko eta ardotako bidea. Santutxu Ermita - Lekeitio
ZAILTASUN MAILA: ERTAINA
SARBIDEA: Bilbotik abiatuta, N-634 edo A-8 Donostiarantz hartu, Durangon N-634tik atera eta BI-633tik jarraituko dugu, Markina-Xemein aldera.
Gero, BI-2224 hartuko dugu Munitibarreraino iritsi arte, eta bukatzeko, BI-3447ri jarraituko diogu, Aulestiraino.
Herriaren irteeran, eskuinean, Lea ibais gurutzatzen duen pista asfaltatua hartuko dugu; pista mendian gora doa, hainbat baserritara eta Santutxu Ermitara iritsi arte.
IBILBIDEA: Santutxu Ermita, Gontzalai, Mendikoa, Belakola,Amoroto, Bolua, Lekeitio.
TOKI INTERESGARRIAK: Santutxu Ermita,Amoroto, Bolua, Lekeitio.
IBILIALDIA: Giro atlantikoa ahogozatuta, etapa hau baserri giroko paisaia atseginen artean egingo dugu, baserriek mendez mende egindako jarduera ikusita eta mendietako baso giroa sumatuta. Muinoetan, agerian, eta ibar hondoetan, ezkutuan, dauden landa giroko herrixketako irudi ezin ederragoak gozatu, Lekeitioko merkatuaren iragan bizi-bizia ikusi eta marinelak bizi diren auzoa aurkituko dugu.
Santutxu Ermitatik ipar-mendebalderantz joko dugu, gure eskuinetik Ondarroara doan GR-38.2 aldaera utzita. Pinudi eta bazkaleku batzuen arteko pista asfaltatua Urrudegi baserriaren ondotik igarotzen da; gero, bidexka bat hasi eta, berriro, Iurrezko pista batean sartuko gara, berehala asfaltoa hasteko; ur-hartune baten ondoan, zehazki. Bidea Goierriko eskola ondotik doa eta Gontzalaiko baserrietarainoko jaitsierari eusten dio; gero, ibilbideak eskuinetara jotzen du (2 km, 30').
Gure gainean Mendikoako baserriak utziko ditugu, ipar-ekialderantz jarraitzeko; ezkerrean dagoen pista bat hartu behar da baserriotara iristeko. Pagozuloko gaina gainditutakoan, bidea asfaltoan behera doa, eukalipto-sail bat zedarritzen duen alanbradari jarraituta. Pisten arteko bideguruize batera Belakolatik gertu iritsita, ezkerretara joko dugu, gure eskuinean Ikarango bidea utzita (3,5 km, 55').
Errepidea Odiaga auzoan barna doa, badira hainbat etxe berri, eta eskuinera hartzen du; gero, bazkalekuen eta pinudien anean egiten du aurrera, gutxi gorabehera uren banalerroari jarraituta. Legardi baserriaren parean, errepide bat hainbat baserritara abiatzen da. Minutu gutxian, Amorotora iritsiko gara (5,6 km, 1 h 30').
Ibilbidea herritik ateratzen da, ezkerretikAldaso baserrirantz joanda; gero, bi hesi zeharkatuta, azkar jaisten da Lea ibaiaren ibar hondora pinu, eukalipto eta txilarren artean. Ibaiaren ondoan, Boluako baserriak agertuko zaizkigu, inguru atseginean (7,2 km, 1 h 55').
Ibaia zeharkatu ondoren, bideak gora egiten du B1-3447 errepidearen bita; errepidean, ezkerretara jo, eta berehala, eskuineko pista hartuko dugu. Pista mendian gora doa aldapa pikoanTxantxorrena baserriraino, pinuz eta eukalipto batzuez jantzitako mendia zeharkatuta. Baserriraino doan bidea ezkerrean utzita, pistak metalezko hesi bat zeharkatzen du; gero, Zatika Txantxatorrerekin Iotzen duen errepidera iristen da (9,6 km, 2 h 40').
Bide asfaltaturi jarraituta, Kurtziagara iritsiko gara, eta handik artadi txiki batetik jarraituko dugu. Artadia zeharkatutakoan, gure oinetan Lekeitio eder eta zabal agertuko zaigu. Bazkalekuen arteko bide batek Lekeitioko Iturroitz eskolaraino eramango gaitu, herri horretan helmuga baitago (10,8 km, 3 h).
ITZULERA: Lekeitio-ren eta Aulesti-ren arteko Autobusak daude.
- A3523 Lekeitio - Gernika - Galdakaoko Ospitalea - Bilbao
Geltokiak:
.- Lekeitio, Amoroto (Oleta, Abitxa), Gizaburuaga, Aulesti, Munitibar, Mendata, Arratzu, Gernika-Lumo, Muxika, Zornotza, Galdakao (Ospitalea), Bilbao.
Ordutegia:
.- Lanegunetan eta larunbatetan, 05:50, 07:50, 09:50, 11:50, 13:50, 15:50, 17:50, 19:50ean. Jaiegunetan, 07:50, 09:50, 11:50, 13:50, 15:50, 17:50, 19:50ean.
- A3523 Bilbao-Galdakaoko Ospitalea-Gernika-Lekeitio
Ordutegia:
.- Lanegunetan eta larunbatetan: 06:05, 08:05, 10:05, 12:05, 14:05, 18:05, 20:05ean.
.- Jaiegunetan: 08:05, 10:05, 12:05, 14:05, 18:05, 20:05ean.
Tlf: 94 454 05 44