MIREN AGUR MEABE PLAZA, LEKEITIOKO OHOREZKO HERRITAR ETA ALABA KUTUN IZENDATUKO DU UDALAK Nabaria
Idatzita KoldoUrteetan zehar Lekeitioren izena zabaltzen laguntzeagatik eta azken hilabeteotan izandako lorpenak aitortzeko asmoz, Miren Agur Meabe Plaza Lekeitioko “Ohorezko Herritar eta Alaba Kutun” izendatuko du Udalak.
Bere izena ahoz aho ibili da azken hilabeteetan. Alde batetik, Poesia Sari Nazionala irabazi zuen iaz “Nola gorde errautsa kolkoan” liburuarekin, Estatuan poesiagintzan ematen den saririk garrantzitsuena. Bestalde, aurten Euskaltzaindiaren euskaltzain oso izendatu dute, ohore handiko postua eskuratuz.
Horregatik guztiagatik eta urteetan zehar Lekeitioren izenari eman dio ospeagatik “Ohorezko Herritar eta Alaba Kutun” izendapena emango zaio ekainaren amaieran egingo den ekitaldian. Izendapen hau Udalak azken hamarkadetan emandako hirugarrena da, emakume bati ematen zaion lehena. Aurretik Jose Miguel Barandiaran (1989) antropologo, etnografo eta apaizak eta Victor San Miguel (1990) Kuwait-eko apezpiku lekittarrak jaso zuten izendapen hau.