Zu hemen zaude: HomeAlbisteakLekeitioko Albisteak2019 Albisteak42. Euskal Zine Bilera hastean dago!

42. Euskal Zine Bilera hastean dago! Nabaria

Idatzita 

Euskal Zine Bilera hasteko egun gutxi batzuk baino ez dira geratzen eta jada dena prest dago, edizio berri honetan ere, jaialdiak aurrerapauso handi bat eman dezan. Azaroaren 23an hasiera ekitaldiarekin zabalduko da 42. edizioa eta Euskal Zine Bilerak bere hiru atalen barnean aurkitzen diren ekimenak martxan jarriko ditu, amaiera ekitaldiarekin bukatuz azaroaren 30ean.

zinema 20192

LEHIAKETA

LEHIAKETA

Azaroaren 25etik 28ra: Ezagutu aukeratuak izan diren 20 lanak.

Aurten, 57 izan dira lehiaketara aurkeztu diren lanak eta horietatik 20 izan dira aukeratuak. Epaimahaia Kepa Errasti, Lara Izagirrek eta Igor Rezolak osatuko dute eta sariak ematean, zuzendaritza, gidoia eta film onenaren arloak ezberdindu dira eta ikusleek ere haien puntuaketen bidez ikuslearen saria aukeratuko dute.

BENITO ANSOLA SARIA

Azaroak 30: Pitching saioa 3 finalisten lanak ezagutzeko.

Sortzaileek beraien proiektuak defendatu beharko dituzte Amancay Gaztañaga eta Lara Izagirrek osatutako epaimahaiaren aurrean. Euskaltzaleen Topagunearekin elkarlanean antolatuta.

(H)EMEN GAUDE

Azaroak 30: Ikus entzunezkoetako emakume musikagileak: olatu berria.

Lara Izagirrek gidatuko du mahaingurua, Haizea Huegun, Alicia Morote eta Paula Olaz-en parte hartzearekin. Saio ireki eta parte hartzailea proposatuko da, bai sektoreko kideei zein edozein hartzaile motari zuzenduta.

ARNASA GARA

Azaroak 24: Udalerri Euskaldunen Mankomunitatearekin elkarlanean.

Arnasguneak indartzeko helburuarekin “Kartzela” izeneko serie digitala sortu dute. Kanpainaren elementu berritzailea izango da, ez baita sekula egin arnasguneei buruzko fikziozko lanik.

EUSKALTZAINDIA EKITALDIA: 100 URTE

Azaroak 29: "Egunak eta lanak" dokumentala eta solasaldia.

Euskara batua sortzeko bidaia horretan gertakizun nagusiak zeintzuk izan diren eta nork bultzatu dituen jaso da dokumentalean, estetika retro-futurista baten bitartez, Miren Gaztañaga eta Mikel Ibarguren aktoreek gorpuztua.

BEGIRADAK

Azaroak 27: aurten Juanmi Gutierrez izango da omendua.

Gai sozialak zinemaren bitartez lantzeko izan zuen pasio hori erreferente izan da zinegile berri askorentzat eta bere lau film labur proiektatuko dira eta azaroaren 30ean, Euskal Zinearen Begirada emango zaio.

ATZO

Azaroak 28: Zinemaren eta itsasoaren artisauak.

Elias Querejeta Zine Eskolako ikerketa taldeak koordinatutako saio honetan, Euskal Zine Bilerak Lekeitioko 2 euskal zinegile amateurri omenaldia eskaini nahi die egindako ekarpenagatik beraien filmak aurkeztuz: Benito Ansola eta José Luis de la Torre.

ZOOM

Azaroak 28:  Neska Banda (GirlHood) proiekzioa euskarazko azpitituluekin.

Lekeitioko Azkue Ikastolako eta Iturriotz Institutuko DBH3ko ikasleentzako emanaldia. Halere, proiekzioa publikoa eta doakoa izango da gainontzeko publikoarentzat, aforoa bete arte. Filmazpit ekimenarekin elkarlanean.

 

 

Irakurrita 7 bidar