Mon05202019

Last update03:13:15 PM GMT

Back ALBISTEAK

Lekeitio'ko Albisteak

Heldu da ibilaldia!

  • PDF fitxategia

Heldu da ibilaldia!

 

Iritsi da eguna, domeka honetan Ibilaldia izango dugu Lekeition! Maiatzaren 19a izan da Bizkaiko Ikastolen jaia ospatzeko aukeratutako eguna eta hirugarren aldiz Lekeition izango dugu, 1983an eta 2003an egin ostean. Egun berezi honen prestakuntza lanak aspaldi hasi zituen Azkue ikastolak eta jada dena prest dago domeka honetan biziko dugun Ibilaldirako.

Lau gunetan banatuta, ibilaldian zehar hainbat ekintza antolatuko dira domeka honetan, antzerkiak, tailerrak, ikuskizunak, kontzertuak eta askoz gehiago!

Lekeition milaka pertsona batuko dira Ibilaldia ospatzeko, hori dela eta herritar eta bisitarien segurtasuna bermatzeko hainbat neurri hartuko dira. Ibilaldi egunean goizeko 9:00etatik eguerdiko 14:00etara ezin izango dira autoak sartu herri barruan. Era berean, eguerdiko 14:00etatik 19:00etara bitartean Ibilaldiko ibilbidera doazen kaleetan ere trafikoa debekatuko da.

Ibilbidean zehar egongo den jende kopuru handia izango da eta ezbeharrak ekiditeko helburuarekin, Ibilaldiko lau guneen arteko kaleetan autoak kendu beharko dira zapatuko 15:00ak aurretik. Arropaingo parkina, anbulatorio aurreko aparkalekuak, Atea kaleko aparkalekuak, portua, Paskual Abaroa etorbidea (Talako aroztegitik botikara doan aldean) eta Santa Katalina ibilbidean kokatzen diren auto guztiak kendu egin beharko dira oinezkoen segurtasuna bermatzeko. Hori horrela, herritarrei Lekeitioko sarreran aurkitzen diren P2, P3 eta Artadi edo mahastiko lineako aparkalekuak erabiltzea gomendatzen zaie herri barruan lekurik aurkitzen ez badute eta garajea dutenek autoak kalean ez uztea. Era berean, Karraspio hondartzaren parkinga autokarabanentzako bideratuko da. Herritarren laguntasuna beharrezkoa izaten da honelako egunetan eta Udalak aldez aurretik eskertu nahi die lekittarrei egindako esfortzuagatik.

Bestalde, egun honetan Bizkaibusen zerbitzu berezia jarriko da Lekeitiora etortzeko. Bilbotik etortzen direnek Matienara arte trena hartu beharko dute, eta behin Matienara helduta, ordu laurdenero autobusa izango dute Lekeitiora. Lekeitiotik Bilbora joateko ohiko zerbitzua ere aldatu egingo da, autobusak Matienara arte egongo dira eta gero bertan autobus-aldaketa egin beharko da.

Hasieran aipatu dugu aurtengoa hirugarren aldia izango dela Ibilaldia Lekeition ospatzen duguna eta aurreko aldiak gogoratzeko, Euskal Zine Bilerak 1983 eta 2003ko jaialdien irudiak proiektatuko ditu domeka goizean Barandiaran aretoan. Bestalde, jakin itsas argiko bisitak prezio berezian izango direla, soilik 2 euroren truke. Leku mugatuak egongo direnez gomendagarria da aurreko egunetan turismo bulegoan izena ematea.

Domeka honetan beraz, denok "Haratzago" joango gara Lekeition izango dugun Ibilaldian!

Zortzikote topaketa 2019

  • PDF fitxategia

Zortzikote topaketa

 

Lekeitioko Mendi Martxa Maiatzak 5

  • PDF fitxategia

Lekeitio-Lekeitio  Mendi Martxa

 

IZEN-EMATEA

Parte hartzaileek hamaiketakoa izango dute bukaeran eta opari bat emango zaie sari gisa. Izen-ematea zein ordainketa Santi Brouard Kiroldegiko harreran edota online egin daiteke hemen: https://www.rockthesport.com/eu/ekitaldia/mendi-martxa-2019

2019 Ekaineko Triatloia

  • PDF fitxategia

Lekeitioko XXVII. Triatloia

Isuntza Arraun Elkarteak ohoreraren saria jaso du

  • PDF fitxategia

Bizkaiko Kirol Prentsa Elkarteak ekimen berezia antolatu zuen joan den astean, 2018an zehar kirolari eta kirol taldeek egindako ibilbideak saritzeko asmoz.

Trainera de Isuntza arraun taldea

Guztira 30 sari eman ziren, horien artean, ohorearen saria Lekeitioko Isuntza Arraun Elkartearentzako izan zen. Gogoratu dezagun, gure arraunlariek urtean zehar egindako lan gogorraren ondorioz ACT ligara igoera lortu zutela.

Era berean, jaialdi honetan, goi mailako beste kirolari bizkaitar asko ere saritu ziren, besteak beste, Itziar Ariztimuño saskibaloi jokalaria eta Omar Fraile txirrindularia izendatu zituzten aurtengo kirolari onenak bezala.

Bizkaiko Kirol Prentsa Elkartearen aitorpen honek Isuntzaren lan ona saritzen du denboraldi berria indar gehiagorekin hastera animatuz. Zorionak Isuntza!

OLENTZERO eta MARI DOMINGIREN KALEJIRA - Abenduak 23

  • PDF fitxategia

OLENTZERO eta MARI DOMINGIREN KALEJIRA / Abenduak 23

Kalejira 18:00etan eliza atzetik hasita.

Ondoren jaia plazan, Olentzero eta Mari Domingi agurtzeko aukera egongo da 19:30ak arte.

Kontzijopean, txokolatada eta jaia 18:15etatik aurrera.

*Bakoitzak bere edalontzia ekarri behar du, plastikoaren erabilpena murrizteko.

GABONETAKO MERKATUA - ABENDUAK 22-23

  • PDF fitxategia

 

GABONETAKO MERKATUA / ABENDUAK 22-23

Lekeitioko artisauen lanak ikusteko eta erosteko merkatua izango dugu asteburuan. 

Zapatuan zein domekan 10:00etatik 15:00etara bitartean egongo da zabalik merkatua plazan.

Animatu eta etorri!

LEKEITIOKO SANTO TOMAS AZOKA 2018

  • PDF fitxategia

LEKEITIOKO SANTO TOMAS AZOKA 2018

Lekeitioko Udalaren eta Lea-Artibai Landa Garapenerako alkartearen eskutik Santo Tomas Azoka ospatuko da datorren abenduaren 21ean. Urtero bezala, ohiko azokaz gain, eskualdeko etxe-abereen erakusketa egongo da ikusgai. Hona hemen egun horretarako prestatutako egitaraua:

  • 10:00: Azokaren eta abere erakusketaren hasiera.
  • 13:30: Azokaren mahairik onenari sari banaketa
  • 14:00: Azokaren amaiera

Udaletik aipamen berezi bat egin nahi diegu Lekeitioko udal brigada eta udaltzaingoko langileei aurreko egunetan eta bereziki egun horretan egiten duten lanagatik. Lekeitiora hurbilduko diren azokazaleek bertoko produktuak erosteko, dastatzeko zein eskualdeko ganadu eta etxabereak ikusteko aukera izango dute.

AZOKAREN GUNEA

Lehen sektorean, 38 dira Lekeitiora hurbilduko diren ekoizleak eta artisauak (15 Lea Artibai eskualdekoak) euren produktuen salmenta zuzena egiteko. Azokan aurkituko diren produktuak honako hauek izango dira:

  • Ortuari eta frutadun 5 ekoizle. Atal honetan mahairik onenari 100€ko saria emango zaio.
  • Ardi eta ahuntz gaztadun hiru ekoizle.
  • Ogia eta gozogintzako 5 ekoizle.
  • Baserriko okela, abeltzain bat.
  • Bizkaiko txakolinaren ekoizle bat.
  • Arrain kontserbadun ekoizle bat.
  • Ahate produktuen 5 ekoizle
  • Eztiaren ekoizle bat.
  • Txerrikietan 3 ekoizle.
  • Egurra, zilarra eta larrua…. lantzen duten 6 artisau
  • Baserritar, elkarte eta ikastetxeen Talo txosnak
  • BERTAKOAZ ELIKATU ekimena

Eskualdeko abeltzainek euren gunea edukiko dute euren abereen erakustaldia egiteko. Azokara etorriko diren abereak honako hauek dira:

  • Hegaztiak eta animali txikiak : 4 abeltzain
  • Zaldiak: bi abeltzain (8 buru)
  • Ardiak: bi abeltzain (8 buru)
  • Ahuntzak: bi abeltzain (8 buru)
  • Astoak: abeltzain bat (4 buru)
  • Behiak: 2 abeltzain (8 behi)
  • Idiak: abeltzain bat (bi buru) Azoka honen antolakuntza gutxi gora behera 5000€ko kostua du eta, BBK Gizarte ekintzaren laguntza jasotzen da.

 

Reivindican en Lekeitio que la escuela pública sea «el eje del sistema educativo»

  • PDF fitxategia

Miles de personas han participado en la 27º edición de la fiesta de la escuela pública vasca que la agrupación de asociaciones de padres y madres, Ehige, celebtra en Lekeitio para reivindicar que la escuela pública sea «el eje del sistema educativo».

Con una mañana soleada, la jornada ha tenido como lema ‘Zapran Gagoz’ y en la inauguración, en el instituto de Educación Secundaria Iturriotz, la presidenta de Ehige, Ana Puente, ha exigido al Gobierno de Lakua una apuesta inequívoca por el sistema público porque, ha denunciado, en la CAV la enseñanza pública representa «solo la mitad» de los centros, frente a lo que ocurre en otros países de Europa, donde la escuela pública alcanza el 80% de todo el sistema.

Por ello ha reclamado el apoyo de las autoridades, ya que la escuela pública «es la única que ofrece a todos una enseñanza de calidad», y ha defendido superar el actual sistema de modelos lingüísticos y promover el uso del euskara.

Asimismo, de cara a la elaboración de la ley de educación, Ehige ha pedido «hacer un diagnóstico exhaustivo» del sistema educativo y cambiar el modelo de financiación entre los colegios públicos y concertados.

La consejera autonómica de Educación, Cristina Uriarte, ha puesto a la CAV como modelo de un pacto estable en educación, a diferencia de lo que ha ocurrido en el Estado español en las últimas décadas, donde ha habido «hasta siete leyes educativas distintas».

En este sentido, ha aseverado que el debate sobre el modelo educativo es una cuestión que está fuera de las «disputas políticas» y queen estos tres territorios existe un modelo propio que «no ha cedido» ante las «imposiciones» del Gobierno de Madrid. Lekeitio ha cedido el testigo a Errenteria, que acogerá esta cita el año que viene.